Itsasaldeko herri batean arbasoek irakatsitakoari uko eginez, 3 gazte elkartu ziren nagiari aurre egiteko: turismoak dakarren aisialdi antzua ekiditeko zarata egitea zen planik onena.

Denboraren poderioz, ideia horri forma eman zioten eta 2017. urtean HORZDUN jaio zen. Taldearen sorreratik 6 hilabetetara "Eskifai baten urpeko kondairak" EP-a plazaratu zuten, Sludge Metal eta Doom doinuez betetako lana itsasoari gurtza egiteko.

Kill vinyl diskoetxearen "Spread the disease Vol. 2" bilduman kantu bat sartu eta kontzertu ugari eman ondoren, isilune luze batean murgildu ziren pandemiak behartuta.

Pandemiaren ondoren kide aldaketak medio, bi zatitan banatutako bigarren disko grabatu berri dute "Barealdiaren ondorengo ekaitzak... hondamendia dakar.".

Zortzi kantuz osatutako lan honetan taldeak beste ikuspuntu bat eman dio lohiari, astuntasuna mantenduz, baina erritmo azkarragoak eta pasarte garbiagoak ere gehituz. Aurki plazaratua eta zuzenean aurkeztua izango da areto ilunenetan.